រយៈពេល១យប់១ថ្ងៃក្នុងថ្ងៃទី១២ ខែធ្នូ អាវុធហត្ថរាជធានីភ្នំពេញ ស្រាវជ្រាវពួនស្ទាក់ បង្ក្រាបជនល្មើស បាន៥ក្រុម ស្មើ២៨នាក់
13-December-2019 | ដោយ ពលមនសិការ
ភ្នំពេញ៖ តាមរបាយការណ៍ប្រចាំថ្ងៃដែលអាវុធហត្ថរាជធានីភ្នំពេញបានកត់ត្រា ចាប់ពីម៉ោង១៦និង៣០នាទី ថ្ងៃទី១១ ដល់ ម៉ោង១៦និង៣០នាទី ថ្ងៃទី១២ ខែធ្នូ ឆ្នាំ២០១៩ កម្លាំងអាវុធហត្ថ បានស្រាវជ្រាវ ល្បាត និងពួនស្ទាក់ បង្ក្រាបបទល្មើស ឃាត់ខ្លួនជនសង្ស័យបាន៥ក្រុម ស្មើ២៨នាក់ ពាក់ព័ន្ធករណី ហិង្សាដោយចេតនា និងករណីគ្រឿងញៀន។
ជាក់ស្តែងរួមមាន៖
-ម៉ោង១៨និង៥០នាទី ថ្ងៃទី១១ ខែធ្នូ ឆ្នាំ២០១៩ នៅចំណុច សណ្ឋាគារ ឡេ ហុង ផ្លូវ១៧២ សង្កាត់ផ្សារថ្មីទី៣ កម្លាំង អាវុធហត្ថ ខណ្ឌដូនពេញ បង្ក្រាបករណីហិង្សាដោយចេតនា ១លើក ឃាត់ខ្លួន ជនសង្ស័យ១នាក់ និងដកហូតវត្ថុតាង កាំបិត១។
-ម៉ោង១១និង០០នាទី ថ្ងៃទី១២ ខែធ្នូ ឆ្នាំ២០១៩ នៅចំណុចផ្លូវលេខ១១០ សង្កាត់ផ្សារដេប៉ូ៣ កម្លាំងអាវុធហត្ថ ខណ្ឌទួលគោក បង្ក្រាបករណីគ្រឿងញៀន ១លើក ឃាត់ខ្លួនជនសង្ស័យ១ នាក់ ថ្នាំញៀន ១កញ្ចប់ ក្រោយពីការសាកសួរយកចម្លើយរួច បានបន្តតាមចាប់បក្ខពួកបន្ថែម១លើកទៀត បានជនសង្ស័យចំនួន៣នាក់ ថ្នាំ២កញ្ចប់ សរុប២លើក ឃាត់ខ្លួនជនសង្ស័យ៤នាក់ ថ្នាំ៣កញ្ចប់ និង ឧបករណ៍សេពគ្រឿងញៀនមួយចំនួន។
-ម៉ោង១១និង៣០នាទី ថ្ងៃទី១២ ខែធ្នូ ឆ្នាំ២០១៩ នៅចំណុចផ្ទះទុកចោល ក្នុងភូមិព្រែកទាល់ សង្កាត់ស្ទឹងមានជ័យ កម្លាំងអាវុធហត្ថ ខណ្ឌមានជ័យ បានបង្ក្រាបករណីគ្រឿងញៀន១លើក ឃាត់ខ្លួនជនសង្ស័យ៥នាក់ ថ្នាំញៀន ១៩កញ្ចប់ និងឧបករណ៍សេពគ្រឿងញៀនមួយចំនួន។
-ម៉ោង១៣និង០០នាទី ថ្ងៃទី១២ ខែធ្នូ ឆ្នាំ២០១៩ នៅចំណុចភូមិលូ សង្កាត់ស្វាយប៉ាក កម្លាំងអាវុធហត្ថ ខណ្ឌឫស្សីកែវ បានបង្ក្រាបករណីគ្រឿងញៀន១លើក ឃាត់ខ្លួនជនសង្ស័យ៤នាក់ ថ្នាំញៀន២កញ្ចប់។
-ម៉ោង១៦និង០០នាទី ថ្ងៃទី១២ ខែធ្នូ ឆ្នាំ២០១៩ នៅចំណុចបន្ទប់ជួលភូមិព្រៃទា សង្កាត់ចោមចៅ កម្លាំងអាវុធហត្ថ ខណ្ឌពោធិ៍សែនជ័យ បង្ក្រាបករណីគ្រឿងញៀន១លើក ឃាត់ខ្លួនជនសង្ស័យ៨នាក់ ថ្នាំ៧កញ្ចប់ ក្រោយពី សាកសួរយកចម្លើយរួច បានបន្តសហការជាមួយការិយាល័យ គ្រឿងញៀន នៃកងរាជអាវុធហត្ថរាជធានីភ្នំពេញ តាមចាប់បក្ខពួកបន្ថែម ១លើកទៀត ឃាត់ខ្លួនជនសង្ស័យ១នាក់ ថ្នាំញៀន១កញ្ចប់ ជញ្ជីងថ្លឹងថ្នាំញៀន១។ សរុប២លើក ឃាត់ខ្លួនជនសង្ស័យ៩នាក់ ថ្នាំញៀន៨ កញ្ចប់ ជញ្ជីងថ្លឹងថ្នាំញៀន១។
បច្ចុប្បន្ន ជនសង្ស័យទាំង២៨នាក់ ខាងលើ កំពុងត្រូវបានសមត្ថកិច្ចជំនាញនៃកងរាជអាវុធហត្ថរាជធានីភ្នំពេញ ខ្វែងដៃខ្វែងជើងយ៉ាងមមាញឹក ចែកគ្នាធ្វើកំណត់ហេតុ ស្តាប់ចម្លើយ សម្រង់សាវតាជាតិ ដកហូតវត្ថុតាង ស្រាវជ្រាវរកអ្នកជាប់ពាក់ព័ន្ធបន្ត និងធ្វើរបាយការណ៍សរុបតាមករណីនីមួយៗ កសាងសុំណុំរឿងតាមនិតិវិធីឲ្យបានរួចរាល់មុន៤៨ម៉ោង ដើម្បីបញ្ជូនទៅតុលាការ ផ្តន្ទាទោសតាមច្បាប់ ៕
ចំនួនអ្នកទស្សនា
- ថ្ងៃនេះ15591
- ម្សិលមិញ15681
- សប្តាហ៍នេះ74431
- ខែនេះ96311
- ឆ្នាំនេះ96311
- សរុប20538767